موضوع اليوم هو الفوركس (forex)

إلا كنتي سافرتي شي نهار لشي دولة أجنبية كتصرف الفلوس ديالك للعملة ديالهم و بهدا كتكون ساهمتي ف سوق الفوركس😉، و كلمة "forex" هي ببساطة إختصار (foreign exchange) 📊
و هاد السوق كيتعتابر اضخم سوق في العالم من ناحية الكم الهائل ديال الفلوس لي كتداول فيه✌و كل نهار كيدور فهاد السوق كتر من 5.100.000.000.000$😱 أي أكتر من الناتج السنوي ديال اليابان🇯🇵،و الناس كيساهمو بنسبة جد جد جد قليلة فهاد السوق بالمقارنة مع الشركات العالمية 🌎 لي تيشريو ملايين دولارات ديال السلع من دول أخرى 💸 و باش هاد الشاركات تشري هاد السلع كلها خاصها تصرف المبلغ الأصلي إلى العملة ديال البلاد لي فيها المزود (البائع) 💱 و ملي الشركات كيصرّفو هاد المبالغ الضخمة فإنها كتساهم في تحريك السعر و بهادا كيزيد الطلب على العملة لي محتاجين و بذالك ملي كيتزاد الطلب كيتزاد السعر📈 و بسباب هاد العدد الكبير ديال هاد الشركات لي كيشريو يوميا من دول مختلفة🗺 أو كيولي سعر ديال الصرف كيتبدل كل تانية و ملي كنصرفو العملة كيكون عندها سعر معين لي هو التمن ديال الصرف📊 و كيما كنعرفو كاملين هاد السعر كيتحدد على حساب العرض و الطلب ديال هاد العملة $ متلا إلا كانو بزاف ديال الناس باغين يصرفو من الدرهم للأورو و قليل ديال الناس لي باغين يصرفو من الأورو لالدرهم ف automatiquement كيتزاد السعر ديال الدرهم بواحد النسبة.
و دبا غادي ندوزو لكيفاش تربح الفلوس من هاد الضومين 🤑.
متلا كنتي مسافر إلى لندن و عندك 8000dh و صرفتيها للباوند الأنجلزي علما أن باوند واحد إنجليزي كيساوي 12.50dh و لي غادا تعطيك 640 باوند بالظبط، نفتارضوا أنك مشيتي و ماقستي حتى ريال من داكشي لي صرفتي فهاديك المدة لي بقيتي تما و ملي غادي ترجع للمغرب🇲🇦 و لكن السعر ديال الصرف تحرك من 12.50dh إلى 12.83dh و هاد الشي كيعني أنك فبلاصة ماتاخد 8000dh لاصقة غادي تاخد 8211dh و هاكدا كتكون ربحتي 211dh بمجرد هافضتي على فلوسك علا ما يتحرك السعر ديال الصرف🗓،هادشي هو كيفاش تربح من الفوركس هو أن كتشد واحد العملة و كنحتافضو بسعا فل الوقت لي كيتبدل فيه السعر ديال الصرف📉 و من بعد كنصرفوها باش نستافدو من الربح💱.
واش خاصني ضاروري نصافر من دولة ل دولة باش نربح من هادشي؟؟؟؟؟ - بالطبع لا كاينين بنكات مختصين غير بالتداول و غير فالأنترنيت و بطريقة آمنة🏦.