سنة 2005, فاش بدا الهاك فالمغرب كاينتشر بزااف, هاد الفترة كان المستهدف الاساسي فيها هو ال Msn أو الهوتميل الشات المعروف لدى الجيل الذهبي قبل مايبان الفايسبوك, وهاد الفترة كانت كاتمتاز بأن أغلب المغاربة كانو كيحاولو يهربو من المغرب عن طريق شي كاورية طاح عليها فال msn , المهم الغرض الاساسي ديالي او ديال الهاكرز المغاربة هو يخور الايمايل المرتبط بهاد الشات.
الطرق اللي كنا كانعتامدو عليها بزااف هي:
#يرامج_الاختراق: البلان ديالها باين.
#الفيشينغ :صفحة مزورة عن طريق البرنامج الرهييب بازوكا (Bazooka) غايعقلو عليه غا صناديد , الله يسمح لينا منو الباج لي كايجينيغي لا علاقة لها بالباج ديال الهوتميل بتاتا هههههه (أنظر الصورة)
#الهندسة_الاجتماعية : هادي هي الطريقة لي كاتعجبني بزااف, بالنسبة لطريقتي كايبان لي شي ولد لحوما ولا شي ولد لقسم عندو ال msn  شابع غاوريااات كنت كانخدم بواحد بروغرام ايمايل فريزر كايبلوكي الايمايلات, انا كانستغل هادشي و كانبلوكي الايميل ديال خونا وماكايبقاش قادر يفتحو, كانمشي لعندو كانقول ليه راه تخور لك ال msn هادشي علاش ماكاتقدرش تحلو, الى بغيتي نرجعو لك راه عندي واحد الميثود ولكن خاصني الباسورد لقديم ديالك, صاف بنادم على نيتو كايعطيك الباسورد  و كاترجع لداك لبروغرام و كاديبلوكي داك الايمايل و تمشي تبدل الباسورد ديال صاحبنا و كايدي ليك الحساب ديالك بسهولة