سلام عليكم شعب HK-GANG✌
ليوم جيت ندوي ليكم على واحد الموضوع فاطار الثقافة العامة و لي هو الديب ويب 💀
نبداو على بركة الله؛
الديب ويب او باللغة العربية الإنترنيت العميق،
في عام 2004 واحد السيد سميتو بول سيلفرسون خدام مع البحرية الأمريكية اخترع واحد المتصفح لي سميتو TOR🌱 (لوغو ديالو على شكل بصلة مقسومة) لمهم اسيدي هاد السيد كان الهدف ديالو من هد المتصفح هو انه يستعمل الانترنيت بحيث انه يكون مجهول و تاواحد ميعرف عليهم شي حاجة؛ يعني مايعارفوش هاداكشي ليكيقلبو عليه مثلا اولا دوك المواقع لي كدخلو ليهم...
مع مرور الوقت ولاو الحكوميين الأمريكيين كيستعملوه باش تاواحد مايعرفهم علاش كيقلبو📵
باش نكونو واضحين الويب نقدرو نقسموه ل 3 الاصناف :
  • ⬅ الصنف الاول هو Surface Web و هو لي كنستعملوه دابا و ليكنخدمو بيه بما فيه من فايسبوك انستغرام... (الويب عامة)
  • ⬅ الصنف الثاني هو Deep Web و هو الإنترنيت العميق
  • ⬅ الصنف الثالث و لي هو Dark Web و هو الإنترنيت المظلم

لمهم هاد الديب ويب ولاو كيستعملوه بزاف الناس لي منهم الهاكرز و القتلة المأجورين👹 و كاينين فيه بزاف ديال الفيديوهات لي مكناسبوش الجمهور الناشئ 🔞 و لي هما فيديوهات ديال شي وحدين كعذبو الناس و كقتلوهم و يغتاصبوهم ...

دابا غادي تقول علاش كيديرو كاع هادشي😱

هوما كيديرو كاع هاد الأفعال على قبل الفلوس
ايه اسيدي كاينين الناس لي كيخلصو آلاف الدولارات على قبل باش يشوفو بنادم كيتعذب 😤
و كاينين عاوتاني لي كيعطيهم شي وحدين الفلوس باش يقتلو شي واحد ما عليك غير تعطيهم المكان ديال السيد لي باغيه يموت واخاتاش يكون في قردة حنة يقتلوه😣
نزيدك الديب ويب كيبيعو فيه داكشي لي ماخاصش يتباع بحال الأسلحة🔫 و الأعضاء ديال الجسم لي كيصاورو منها الملاين بحيث أن غير الكلية ديال الإنسان كيتسوا 300.000$ ثمن ديال Lamborghini Aventador 🚘
كيما كنعرفو الويب العادي كيخدمو بالبروتوكولات العاديين بحال http, com, net, org... 
ماشي بحال الديب ويب لي كيخدمو ب بروتوكولات ممعروفينش و غامضين بزاف بحال مثلا bit. اولا onion. ... 
و مستحيل تدخل ليهم عن طريق الصدفة كتدخل الى كنتي باغي شي حاجة منو اولا شي هدف عندك تم 😵
و الطريقة الوحيدة باش تدخل ليهم هما عبر المتصفح لي دوينا عليه في لول لي هو TOR 😨
و أيضا للمعلومة هما مكيتعاملوش بالعملة النقدية بحال الدولار اولا الأورو الولا الدرهم 💸 
كيتعاملو هوما غير بالعملة الرقمية بحال البيتكوين 💳
حاولت نلخص ليكم غاع داكشي لي كنعرف على الديب ويب نتمنى يعجبكم الموضوع
Peace out ✌
#Ivan🐉